Werner Momsen in Herzlake

 

Soloshow up Platt inne Gastätte Moormann

mit de lustige Klappmul-Komiker

Herzlake (oa) – Werner Momsen (Foto), Klappmuul-Komiker ut Hamborg, is anners as de annern. Nu kump hei bi dat Festival “PlattSatt!” in’t Emsland. He is eene Puppe. De Huut is ut Polypropylen, de Hoor ut Polyacryl un dor ünner nix as Schuumstoff. Von Geburt an al Sondermüll, dat is keen licht Leven! He kann dat over uthollen.

He is “fremdbestimmt”, un doch faken ook freer as de, de achtern in em binnen stecken deit. Denn Werner kann Saken moken un seggen, de bloß he seggen dröff. Un dorbi seggt he meist dat, wat he denkt, bevör he denken deit, wat he seggt. Un wenn he veel denken deit, denn singt he ook mol. Mit sien groden halven Verstand hett Werner Momsen bit nu noch jede Veranstaltung upmischket. Wo du een up laten kannst!

Werner Momsen kump mit üm siene Soloshow up Platt to de Gastätte Moormann na Herzlake hen. De Emsländske Landschup hav üm inloat to dat Festival “PlattSatt!”. An’n Sönndag, 4. November, üm Klock 11 gaiht dat loss. Wenn dor eeine hen will, kann hei vorwech dörpingeln un sick anmellen bi Gaststätte Moormann unner 05962/662. Dat kost 7 Euro, för Scheulker 4 Euro.

Foto: Peter Eichelmann